İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 284 Hüküm no: 248 Orijinal metin no: [81b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fırıncıların, kethudâları Mustafa b. Ahmed hakkındaki şikâyetlerinden vazgeçtiği Âsitâne-i aliyyede vâki‘ uncu esnâfının yiğitbaşıları Süleyman b. Abdullah ve Hasan ihtiyâr ustalarından İbrahim b. Ömer nâm kimesneler ile Mihal v. Yani ve Praşkova v. Anaştaş ve Paskal v. Pavlo ve Nikor v. Artin ve Kiryako v. Paskal ve Delot v. Mardiros ve Paskal v. Yamandi ve Kestosder v. Kazer ve Artin v. Avanis ve Agop v. Artin ve Todori v. Yorgi ve Hristo v. Tanaş ve Kostantin v. Nikola ve Yuvan v. Kostantin ve Vartaris v. Artin ve Yorgi v. Ralko ve Persih v. Mıgırdıç ve Kirkor v. Minas ve Ohan v. Melkon ve Kazer v. Kirkor ve Kazer v. Asvador ve Yamandi v. Panayot ve Ağya v. Delot ve Mardiros v. Minas ve Asvador v. Melkon ve Kazer v. Arakil ve Agop v. Minas ve Agop v. Marat ve sâirleri meclis-i şer‘-i şerîf-i enverde kethudâları işbu râfi‘ü’l-kitâb Mustafa b. Ahmed nâm kimesne mahzarında herbiri takrîr-i kelâm edip mezbûr Mustafa kethudâmız olup lâkin bazıları hilâf-ı şer‘-i mutahhar tağrîr ve dükkânımızı sed ve bazımızı bi-gayr-ı hakkın tecrîm ve mugāyir-i [82a] nizâm-ı kadîm dükkân ihdâsıyla bizi rencîde eder deyü teşekkî etmiş idik el-hâletü hâzihî biz teşekkîlerimizden fâriğler olup ve kethudâmız mezbûr dahi bizi hilâf-ı şer‘ rencîde etmeyip ve fîmâ-ba‘d bir dükkân küşâd ve sed ve sâir beynimizde vâki‘ olan husûslar ma‘rifet-i şer‘ ve cümle usta ma‘rifetiyle [fasl] olunmak üzere kavl ü ittifâk edip ve mezbûr Mustafa’nın kethudâlıkda ibkā ve hilâf-ı şer‘-i mutahhar bir ferdi rencîde etmemek üzere mezbûr Mustafa’ya tenbîh birle mâ vaka‘a bi’t-taleb ketb olundu. Fî 12 Şa‘bân sene 1185. Şuhûdü’l-hâl: Tahtacı Osman, Molla İsmail, Ali Çelebi, Muhzırân Kethudâsı Mehmed Ağa