İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 285 Hüküm no: 250 Orijinal metin no: [82b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koyun kasapları kethudâsı tarafından Mustafa Ağa’nın kethudâ vekilliğine tayin olunduğu Âsitâne-i aliyyede vâki‘ ganem kasablarının bâ-hatt-ı hümâyûn ve bâ-berât-ı âlîşân kethudâları olan kasab tâifesinden İsmail Ağa b. el-Hâc Ali meclis-i şer‘-i şerîf-i enverde işbu râfi‘ü’l-kitâb Seyyid Mustafa Ağa b. Seyyid İbrahim nâm kimesne [mahzarında] kasab ustalarından el-Hâc Mehmed Ağa b. el-Hâc Halil ve Ebûbekir Ça[vuş] b. Mustafa ve diğer el-Hâc Mehmed b. el-Hâc İbrahim ve el-Hâc Ahmed b. Ömer ve Seyyid Abdülkadir Çelebi b. Hüseyin ve Mehmed Said Ağa b. el-Hâc Abd[ullah] ve Seyyid el-Hâc Yakub ve sâirleri hazır oldukları hâlde ikrâr ve takrîr-i kelâm edip ben bâ-hatt-ı hümâyûn ve bâ-berât-ı âlîşân [Âsitâne-i] aliyyede vâki‘ ganem kasablarının kethudâsı olup kasab tâife[sinin] kethudâlığına müte‘allik umûr ve husûslarını rü’yet ve ber-mu‘tâd-ı kadîm nezâ[ret] ve temşiyet için tarafımızdan mezbûr Seyyid Mustafa Ağa’yı vekîl ve nâib-i [menâb] nasb ü ta‘yîn eylediğimde ol dahi vekâlet-i merkūmeyi kabûl ve (…) mahâllinde ikāmete ta‘ahhüd etmeğin mâ vaka‘a bi’t-taleb. Fî 2 Şa‘bân sene 1185.