İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 287 Hüküm no: 252 Orijinal metin no: [83b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın alacaklarını tahsil için Mehmed Ağa’yı vekil tayin ettiği Mahmiye-i İstanbul’da Vâlide [Hanı’nda sâkin] Seyyid Hasan Ağa b. Seyyid (…) meclis-i şer‘-i şerîf-i enver[de] Mehmed Ağa b. Mustafa nâm kimesne (…) kelâm edip benim Rumeli’nde (…) Bâzergânbaşı el-Hâc Abdurrahman (…) zimmetlerinde emti‘a-i mütenevvi‘a semenlerinden bâkī (…) alacak hakkım olan iki bin yüz seksen iki buçuk guruş ve yine Yenişehr-i Fener’de sâkine Berber Seyyid Mustafa zimmetinde emti‘a-i mütenevvi‘a semeninden alacak hakkım olan bin (…) doksan iki buçuk guruşu ve Selanik’de sâkine Mehmed Ağa ve (…) ve Osman Ağa zimmetlerinde kezâlik emti‘a-i mütenevvi‘a semeninden ala[cak] hakkım olan bin dört yüz yetmiş altı buçuk guruşu ve yine Yeni[şehr-i] Fener’de sâkine Çelebi Mehmed Emin Ağa zimmetinde kezâlik emti[‘a-i] mütenevvi‘a semeninden alacak hakkım olan bin iki yüz yirmi iki buçuk guruş ki altı bin beş yüz yetmiş dört guruş mezbûrûndan lede’l-muhâsama hasmı taleb ve da‘vâ ve ahz u kabz ve bana îsâl ve teslîme ve bunlar mütevakkıf olduğu umûra tarafımdan mezbûr Mehmed Ağa’yı vekîl ve nâib-i menâb nasb ü ta‘yîn eylediğimde ol dahi vekâlet-i merkūmeyi kabûl ve merâsimini mahâllinde ikāmete ta‘âh[hüd] eyledi ve yine hân-ı merkūmda sâkin es-Seyyid Abdurrahman Ağa b. es-Seyyid Mehmed meclisde mezbûr Mehmed Ağa b. Mustafa mahzarında ikrâr ve takrîr-i kelâm edip benim bâzergânbaşı mezbûrân el-Hâc Abdurrahman ve şerîki el-Hâc Osman Şükrü emti‘a-i mütenevvi‘a semenlerinden bâkī alacak hakkım olan bin beş yüz doksan guruşu mezbûrândan lede’l-muhâsama taleb ve da‘vâ ve ahz u kabza ve bana îsâl ve teslîme ve bunlar mütevakkıf olduğu umûra tarafımdan mezbûr Mehmed Ağa’yı vekîl ve nâib-i menâb nasb ü ta‘yîn eylediğimde ol dahi vekâlet-i merkūmeyi kabûl ve merâsimini mahâllinde ikāmete ta‘ahhüd eyledik dediklerinde mâ vaka‘a bi’t-taleb ketb [olundu.] Fî-gurret-i Ramazan sene 1185. Şuhûdü’l-hâl: es-Seyyid Ali, Ahmed b. Halil, Molla Ahmed Pâkicizâde, Molla Mehmed.