İstanbul Mahkemesi 33 Numaralı Sicil (H. 1183-1185 / M. 1769-1770) cilt: 77, sayfa: 293 Hüküm no: 259 Orijinal metin no: [91b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alçaklar diye adlandırılan iskelelerden İstanbul’a zahîre getiren gemilerin yüklerini boşaltıp bir an evvel bağlı oldukları iskelelere dönmelerine dair buyruldu Bâ-sahh İstanbul kādısı fazîletli efendi ve izzetli sekbânbaşı ağa Sevâhil-i Bahr-i Siyah’da vâki‘ Alçaklar ta‘bîr olunur iskelelerden Dersa‘âdet’e zahîre nakledegelen sefâinin bu tarafda üç günden ziyâde meks ve tevakkuflarına ruhsat verilmeyip hemen mürûrları gününden hamûleleri ihrâc olunmasına mübâderet ve üç güne dek sefîneleri tahliye ve me’lûf oldukları iskelelere sevk ve tesyîrlerine müsâra‘at olunmak lâzıme-i hâlden olmağla imdi zikrolunan sefâinden el-yevm Der-aliyye Limânı’nda ve Boğaziçi’nde ne mikdâr sefîne var ise cümlesini ucâleten tahrîk ve kapan pîşgâhında hamûlesi tamamen ihrâc olunmamış sefîne var ise onları dahi serî‘an tahliye ve me’lûf oldukları iskelelere irsâlden sonra bir tarafdan mürûr edenleri dahi ber-minvâl-i muharrer üç günden ziyâde eğlendirmeyip me’lûf oldukları iskelelere sevk ve tesyîre mezîd-i ihtimâm ve dikkat ve içlerinden muhâlefet ederleri olur ise berây-ı tedîb isim ve resim ve şöhretleriyle huzûrumuza i‘lâma müsâra‘at eyleyesin deyü buyruldu. Fî 23 Recebi’l-ferd sene 1184.