İstanbul Mahkemesi 44 Numaralı sicil (H. 1193-1194 / M. 1779-1780) cilt: 78, sayfa: 253 Hüküm no: 233 Orijinal metin no: [70b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa b. Ali’nin Emin Bey Mahallesi’ndeki menzili Hatice bt. Hasan’a bin beş yüz guruşa sattığı Mezbûr Mehmed Ağa b. Ali meclis-i şer‘-i şerîf-i enverde işbu bâ‘isetü’l-kitâb Hadîce bt. Hasan nâm hatun mahzarında ikrâr-ı tâm ve takrîr-i kelâm edip akd-i âti’z-zikrin sudûruna değin işbu hüccet-i şer‘iyyede mastûr zikrolunan Emîn Bey Mahallesi’nde vâki‘ hudûd-ı mezkûre ile mahdûde yedimde mülk ve hakkım olan menzil-i mezkûru tarafeynden îcâb ve kabûlü hâvî şürût-ı müfsideden ârî bey‘-i bâtt-ı sahîh-i şer‘î ile mezbûre Hadîce Hatun’a bin beş yüz guruşa bey‘ ve temlîk ve teslîm eylediğimde, ol dahi ber-minvâl-i muharrer iştirâ ve temellük ve tesellüm ve kabz ü kabûl ettikden sonra semeni olan meblağ-ı mezkûr bin beş yüz guruşu müşteriye-i mezbûre Hadîce Hatun yedinden bi’t-tamam ve’l-kemâl ahz ü kabz eyledim. Fîmâ-ba‘d menzil-i mahdûd-ı mezkûrda benim asla ve kat‘â alâka ve medhalim kalmayup müşteriye-i mezbûre Hadîce Hatun’un mülk-i müşterâsı ve hakk-ı sırfı olmuşdur, keyfe mâ yeşâ’ [teşâ’] ve hasbe mâ tahtâr mutasarrıfe olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 12 min-Zilka‘de sene [1]194. Şuhûdü’l-hâl: eş-Şâhidûne’s-sâbıkūn.