İstanbul Mahkemesi 44 Numaralı sicil (H. 1193-1194 / M. 1779-1780) cilt: 78, sayfa: 260 Hüküm no: 241 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul Çalık Mehmed Ağa Vakfı mütevellîliğine Mustafa Efendi b. İbrahim’in tayin edildiği Dârü’l-hilâfeti’l-aliyye ve makarru’s-saltanati’s-seniyye’de câlis-i mesned-i şerî‘at-i garrâ olan efendiler hazerâtı nezâretlerinde olan evkāfdan mahmiye-i İstanbul’da merhûm Çalık Mehmed Ağa Evkāfı’nın yevmî iki akçe vazîfe ile mütevellîsi olan Yamak Mustafa Halîfe fevt olup yeri hâlî ve hizmet-i lâzımesi mu‘attal kalmağla, sadākat ve istikāmeti ve her vechile tevliyet-i mezkûre uhdesinden gelmeğe kādir idiği zeyl-i kitâbda muharrerü’l-esâmî sikāt-ı Müslimîn haberleriyle mütehakkık olan bâ‘isü’l-kitâb eş-Şeyh el-Hâc Mustafa Efendi b. İbrahim’i hâkim-i muvakki‘-i sadr-ı kitâb bi-tevkī‘ihi’r-refî‘ü’l-müstetâb ‒veffakallâhu te‘âlâ ilâ sebîli’s-savâb‒ [efendi] hazretleri vakf-ı mezkûra mütevellî nasb ü ta‘yîn buyurduklarında, ol dahi ba‘de’l-kabûl vakf-ı mezkûra sadākat ve istikāmet üzere hizmet etmeğe ta‘ahhüd etmeğin mâ-hüve’l-vâki‘ işbu vesîka ketb ü imlâ ve yedine i‘tâ olundu. Hurrire fî 25 min-Zilka‘deti’ş-şerîfe [li-]sene [1]194. Şuhûdü’l-hâl: Mehmed Ağa b. Ahmed, Abdi Efendi, Veliyüddin, Mehmed Sâdık.