İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 66 Hüküm no: 28 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid İbrahim b. es-Seyyid Mustafa’nın Eyüp’teki kasab dükkanı gedik hisse ve aletlerini Hüseyin Beşe’ye sattığı Ma‘rûz Hazret-i Ebâ Eyyûbe’l-Ensârî Evkâfı’ndan medîne-i Eyüb’de Dördüncü Selhhâne’ye merbût olup medîne-i mezbûrede Çarşı-yı Kebîr’de Miyâneada’da çörekçi dükkânı mukâbilinde vâki‘ bir bâb kasab dükkânı derûnunda mevcûde beyne’l-hıref gedik ta‘bîr olunur âlât-ı lâzıme-i ma‘lûmenin nısf hisse-i şâyi‘alarına bâ-temessük-ı mütevellî mutasarrıf olan es-Seyyid İbrahim b. es-Seyyid Mustafa meclis-i şer‘-i münîrde medîne-i mezbûre kasab esnâfının kethüdâları Ebubekir Ağa ve el-Hâc Usta İbrahim hâzırân oldukları hâlde âlât-ı mezkûrenin nısf-ı âharına mutasarrıf olan kasab ustalarından Hüseyin Beşe b. Ahmed muvâcehesinde takrîr-i kelâm edip ber-vech-i muharrer mutasarrıf olduğum nıfs âlât-ı lâzıme-i mezkûremi hüsn-ı rızâ ve ihtiyârlarıyla bedel-i ma‘lûm mukâbelesinde bâ-re’y-i mütevellî mezbûr Hüseyin Beşe’ye ferâgat ve kasr-ı yed edip fîmâ ba‘d âlât-ı mezkûrede benim aslâ alâka ve medhalim kalmayıp mezbûrun hakk-ı mufavvazı olmuşdur dedikde mezbûr Hüseyin Beşe dahî ba‘de’t-tasdîk nısf âlât-ı mezkûre defter-i vakfa nısf-ı âharına mutasarrıf-ı mezbûr Hüseyin Beşe üzerine kayd birle yedine temessük i‘tâ olunmak ricâsında oldukları İstanbul Mahkemesi’nden huzûr-ı âlîlerine i‘lâm olundu. Fî 15 Safer sene 1202. Derkenar: Kasab