İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 87 Hüküm no: 56 Orijinal metin no: [13a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadîce bt. Mehmed’in, erkek kardeşi Süleyman’ı öldüren Ahmed Ağa’nın adamı Ali’nin yakalanmasını talep ettiği Ma‘rûz Sâdır olan fermân-ı âlîlerine imtisâlen Gelibolu Kavağı’nda Evreşe kazâsı sâkinelerinden sâhibe-i arzuhâl ma‘rifetü’z-zât Hadîce bt. Mehmed nâm hatun dîvân-ı âlîlerinde ma‘kûd meclis-i şer‘-i münîrde [13b] arzuhâlde mezkûrü’l-ism Ahmed Ağa b. Mehmed Ağa muvâcehesinde takrîr-i kelâm edip merkûm Ahmed Ağa bir sene mukaddem mezkûr Kavak nâm mahalde memliha emîni iken aşçısı Ali nâm kimesne verâseti benim ile vâlidemiz Âişe bt. Mehmed’e münhasıra olan ebeveyn er karındaşım Süleyman’ı bi-gayr-ı hakkin piştov kurşunuyla kâsığından Mehmed darb ve cerh ve katl ve firâr ve gaybet edip mücerred mezbûr Ahmed Ağa kazâ-i mezbûrun zâbiti ve kâtil-i mezbûr dahî hizmetkârı olmağla suâl olunup kâtil-i mezbûru bulup bana teslîme mezbûr Ahmed Ağa’ya tenbîh olunmak bi’l-verâse murâdımdır deyü ve mezbûr Ahmed Ağa’dan eylediği da‘vâsı meşrû‘a ve mu‘tebere olmamağla da‘vâ-yı mezkûresine iltifât olunmayıp bî-vech-i şer‘î mu‘ârazadan men‘ olunduğu huzûr-ı âlîlerine i‘lâm olundu. Fî 23 min Ra. sene 1202. Derkenar: Katl-i meşrû‘a olduğu