İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 89 Hüküm no: 58 Orijinal metin no: [13b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kolbaşı Emine’nin, Rüveyde bt. el-Hâc Abdi’yi dövmesi sebebiyle tazirle cezalandırıldığı Ma‘rûz Sâhibe-i arzuhâl zâtı mu‘arrefe Rüveyde bt. el-Hâc Abdi Efendi nâm hatun dîvân-ı âsafâne-i aliyyelerinde ma‘kûd meclis-i şer‘-i münîrde arzuhâlde ismi mezkûr ma‘rifetü’z-zât Kolbaşı Emine bt. Mustafa nâm hatun ile terâfu‘larında mezbûre Emine beni kâr-ı habîse teşrîk içün dünkü Salı günü bi-gayr-i hakkin yumruk ile beni darb etmekle mûcib-i şer‘ini icrâ olunmak murâdımdır deyü ba‘de’d-da‘vâ ve’l-istin‘âk ve’l-inkâr müdde‘iyye-i mezbûre ber-vech-i muharrer müdde‘âsını Halil Ağa b. Abdullah ve Ahmed Ağa b. Mustafa şehâdetleriyle mezbûre Emine Hatun muvâcehesinde ber-nehc-i şer‘î isbât etmeğin mûcibince mezbûre Emine Hatun’a ta‘zîr lâzım geldiği huzûr-ı âlîlerine i‘lâm olundu. Fî 3 min Ra. sene 1202. Derkenar: Ta‘zîr lâzım geldi