İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 89 Hüküm no: 59 Orijinal metin no: [14a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Nişan v. Arakil’in yanan dükkanı yeniden inşa edip inşaat masraflarını dükkan sahibi Süleyman ve Nesibe’den alıp dükkanı kiraladığı Ma‘rûz Sâdır olan fermân-ı âlîlerine imtisâlen Davudpaşa kurbünde Kasab İlyas mahallesinde vâki‘ bir bâb keresteci dükkânının gedik âlâtına mutasarrıf olan Keresteci Nişan v. Arakil nâm zimmî dîvân-ı âlîlerinde ba‘dehû du‘âhânemizde ma‘kûd-ı meclis-i şer‘-i münîrde dükkân-ı mezkûre iştirâken bi’l-icâreteyn mutasarrıfân olan sâhib-i arzuhâl Süleyman b. İbrahim ve zâtı mu‘arrefe Nesîbe bt. el-Hâc Halil muvâcehelerinde takrîr-i kelâm edip dükkân-ı mezkûr harîk-i kebîrde muhterik oldukdan sonra târîh-i i‘lâmdan yirmi ay mukaddem merkûm Süleyman ile mezbûrenin zevci ve tarafından vekîli Mısırlı el-Hâc Hüseyin dükkân-ı mezkûru mâlından bin iki yüz guruşu sarf ile müceddeden binâ ile ba‘dehû biz sana edâ ederiz deyü bana emr etmeleriyle ben dahî bi-şarti’r-rücû‘ emirlerine binâ’en dükkân-ı mezkûru müceddeden binâ ve mâlımdan bin iki yüz guruşu harc ve sarf edip meblağ-ı mezkûrun üç yüz guruşunu ahz bâkî dokuz yüz guruşu mezbûrândan taleb ederim deyü eylediği da‘vâsından bâ-vesâtat-ı muslıhîn mezbûrân ile yüz guruş bedel-i makbûza sulh olup ziyâde müdde‘âsına müte‘allika âmme-i da‘vâdan mezbûr Süleyman’ın ve zevcân-ı mezbûrânın zimmetlerini ba‘de’l-ibrâ ve’l-kabûl mezbûrân Süleyman ve Nesibe dahî yine dükkân-ı mezkûru beher şehr yedişer guruş kirâ ile mesfûr Nişan zimmîye îcâr ol dahî ber-vech-i muharrer istîcâr ve kabûl edip bu vecihle bi’t-terâzî kat‘-ı münâza‘a eyledikleri huzûr-ı âlîlerine i‘lâm olundu. Fî 6 min Rebî‘ü’l-âhir sene 1202. Şuhûdü’l-hâl: Keresteciler Kethüdâsı es-Seyyid Mehmed Ağa, Yiğitbaşı es-Seyyid Mehmed, es-Seyyid el-Hâc Mustafa, Osman Ağa, Horasancı Ali, Ahmed Ağa, el-Hâc İsmail, Hasan Ağa, Ebubekir Ağa, el-Hâc Ali, el-Hâc Mehmed Efendi mahalle-i mezbûre imâmı Derkenar: Keresteci