İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 90 Hüküm no: 60 Orijinal metin no: [14a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Hamza’nın, Papas Payaso’dan alacaklı olduğunu ancak ispat edemediğinden davanın reddolunduğu Ma‘rûz Sâdır olan fermân-ı âlîlerine imtisâlen Ali b. Hamza nâm kimesne dîvân-ı âlîlerinde ma‘kûd meclis-i şer‘-i kavîmde arzuhâl eden Papas Payaso v. Mavpos nâm zimmî ile terâfu‘larında li-ebeveyn ammim olup bundan akdem vefât eden Nefise bt. Süleyman hayâtında doksan üç senesinde mersûm Payasos zimmîye ikrâz ve teslîm eylediği yüz elli guruşun yetmiş guruşunu ahz bâkî seksen guruşunu kable’l-ahz ve’l-istîfâ fevt olup verâseti bana münhasıra olmağla meblağ-ı bâkî-i mezkûru bi’l-verâse mersûmdan taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûrdan ber-vech-i muharrer müdde‘âsına beyyine taleb olundukda ityân-ı beyyineden izhâr-ı acz ile istihlâf etmeğin mersûm Payasos zimmî tahlîf-i şer‘î olunmağın mûcebiyle müdde‘î-i mezbûr Ali bilâ beyyine bî-vech-i şer‘î mu‘ârazadan men‘ olunduğu huzûr-ı âlîlerine i‘lâm olundu. Fî selh-i Ra. sene 1202. Derkenar: 80 hükm