İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 119 Hüküm no: 99 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen İsmail Usta b. Mehmed’in kasap dükkanı gedik hissesinin oğullarına intikal ettiği Ma‘rûz Evkâf-ı hazret-i şehriyârîden Yedinci Selhhâne’ye merbût olup İstanbul’da Acemoğlanı Meydanı kurbünde dört yol ağzında vâki‘ bir bâb kasab dükkânı derûnunda mevcûde beyne’l-hıref gedik ta‘bîr olunur âlât-ı lâzıme-i ma‘lûmenin iki kıt‘a mütevellî-i vakf temessüküyle mutasarrıf olan İsmail Usta b. Mehmed fevt olup işbu Ahmed ve Mehmed müteveffâ-yı mezbûrun sulbi kebîr oğulları olmağla âlât-ı mezkûre hasbe’l-âde mezbûrâna intikâl eder deyü hâlâ Kasabbaşı Mehmed Emin Ağa tarafından vekîli kasablar kethüdâsı el-Hâc Ali Ağa ve ustalarından el-Hâc Osman ve es-Seyyid el-Hâc Mahmud ve es-Seyyid Mehmed’den her biri alâ tarîkı’ş-şehâde haber vermeleriyle âlât-ı mezkûre müteveffâ-yı mezbûr İsmail Usta’[ya] intikâlinden sulbî kebîr oğulları mezbûrân Ahmed ve Mehmed üzerlerine tahrîr ve defter-i vakfa kayd birle yedlerine temessük i‘tâ olunmak ricâsında oldukları İstanbul Mahkemesi’nden huzûr-ı âlîlerine i‘lâm olundu. Fî 6 C. sene 1202.