İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 134 Hüküm no: 120 Orijinal metin no: [31a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Niko’nin, Petro v. Dimo’dan alacaklı olduğunu iddia ettiği davasını ispat edemediğinden davanın reddolunduğu Ma‘rûz Sâdır olan fermân-ı âlîlerine imtisâlen İstanbul’da Edirnekapısı kurbünde Dolablı Bostan’da mütemekkin Yorgi v. Niko zimmî Çarşamba günü dîvân-ı âlîde ba‘dehû du‘âhânemizde ma‘kûd meclis-i şer‘-i kavîmde arzuhâl eden Petro v. Dimo zimmî muvâcehesinde mersûm Petro zimmî sekiz sene mukaddem yedimden iktirâz ve kabz ve umûruna sarfla istihlâk eylediği iki yüz on beş guruş hakkım hâlâ zimmetinde kalmağla taleb ederim deyü ba‘de’d-da‘vâ ve’s-suâl ve’l-inkâr müdde‘î-i mersûmdan ber-vech-i muharrer müdde‘âsına beyyine taleb olundukda ityân-ı beyyineden izhâr-ı acz ile istihlâf etmeğin mersûm Petro zimmî bi’t-taleb ba‘de’t-tahlîfi’ş-şer‘î mûcebiyle müdde‘î-i mesfûr Yorgi zimmî bilâ beyyine bi-vech-i şer‘î mu‘ârazadan men‘ olunduğu huzûr-ı âlîlerine i‘lâm olundu. Fî 8 Receb sene 1202.