İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 153 Hüküm no: 147 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Naydin v. Ganco’nun koyunlarını izinsiz alıp Estamo’ya sata Çelo ile olan davasında anlaştıkları Ma‘rûz Celeb tâ’ifesinden sâhib-i arzuhâl Naydin v. Ganco nâm zimmî meclis-i şer‘-i enverde yine tâ’ife-i mezbûreden Estamo v. Metro nâm zimmî muvâcehesinde kasabbaşı ağa tarafından Kethüdâ el-Hâc Ali Ağa hâzır olduğu hâlde mahrûse-i Edirne civârında Mütesellimler dimekle ma‘rûf kışlada mevcûd mâlımdan yirmi re’s ağnâmım gâ’ib ani’l-beled Çelo nâm zimmî fuzûlî ahz ve merkûm Estamo zimmîye bey‘ etmekle mârrü’z-zikr ağnâmın ancak on dokuz re’sini mezbûr Estamo yedinde bulup bi’l-istihkâk taleb eylediğimde ben dahî yedinden ahz u kabz edip ancak husûs-ı mezkûra müte‘allika âmme-i da‘vâdan merkûm Estamo ile gâ’ib-i mersûm Çelo zimmînin zimmetlerini ibrâ ve iskât eyledim dedikde mersûm Estamo zimmî dahî mukırr-ı merkûmû tasdîk ve ibrâsını kabûl eylediğini tescîl ve huzûr-ı âlîlerine i‘lâm olundu. Fî 14 Şa‘bân sene 1202.