İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 173 Hüküm no: 174 Orijinal metin no: [46a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc İsmail Efendi’nin evine zararı olan Mehmed Tahir’in, evinin üst kat odasındaki pencerenin bir kanadına takoz koyup pencereyi kapatacağını taahhüd ettiği Ma‘rûz Sâhib-i arzuhâl el-Hâc İsmail Efendi b. Abdülbaki meclis-i şer‘-i enverde derûn-ı arzuhâlde mezkûrü’l-ism Mehmed Tahir b. Musa ile terâfu‘larında mezbûr Mehmed Tahir’in İstanbul’da Karagümrük kurbünde Karabaş mahallesinde vâki‘ menzilim ittisâlinde müceddeden binâ eylediği menzilinin ulyâda olan odasına ihdâs ve küşâd eylediği bir aded köşe penceresinden benim menzilimin makarr-ı nisvân olan mahallerine nezâret ve zarar-ı bîni olmağla men‘ ve def‘ olunmak matlûbumdur deyü eylediği [46b] bi’l-cümle takrîr-i meşrûhunu tasdîk ve mârrü’z-zikr pencerenin yek kanadı zahrına takoz vaz‘ıyla zararını ref‘a ta‘ahhüd eyledikde mezbûr el-Hâc İsmail Efendi dahî râzı ve bu vecihle kat‘-ı münâza‘a eyledikleri İstanbul Mahkemesi’nden huzûr-ı âlîlerine i‘lâm olundu. Fî 9 min L. sene 1202. Derkenar: Bâ-mühr-ı efendi-i sâbık hazretleri