İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 181 Hüküm no: 184 Orijinal metin no: [49a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer Beşe’nin sandığından gizlice paralarını aldığını iddia ettiği kaynı el-Hâc Ahmed’e açtığı davayı ispat edememesinden dolayı davanın reddolunduğu Ma‘rûz İstanbul’da Hasan Halîfe mahallesi ahâlîsinden Buzcu Kırımî Ömer Beşe b. Ahmed meclis-i şer‘de kaynı Derzi el-Hâc Ahmed b. Hüseyin muvâcehesinde târîh-i i‘lâmdan elli dört gün mukaddem menzilimde sandığım derûnunda mevzû‘ kırk iki guruşluk mahlût altun ve iki yüz yetmiş sekiz guruş beyaz akçe ki cem‘an üç yüz yirmi guruşumu hufyeten ahz etmekle meblağ-ı mezbûr üç yüz yirmi guruşu merkûm Derzi el-Hâc Ahmed’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını isbâta kādir olmayıp bi’t-taleb merkûm Derzî el-Hâc Ahmed vech-i şer‘î üzre tahlîf olunmağın mûcebince müdde‘î-i merkûm Buzcu Ömer Beşe da‘vâ-yı mezkûresiyle bilâ beyyine-i âdile merkûm Derzi el-Hâc Ahmed’e bî-vech-i şer‘î mu‘ârazadan men‘ olunduğu İstanbul Mahkemesi’nde tescîl ve mübâşirleri kapı kethüdâsı Osman Beşe yediyle huzûr-ı âlîlerine i‘lâm olundu. Fî 14 min Şevvâl sene 1202.