İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 191 Hüküm no: 198 Orijinal metin no: [52b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mühtedi Ömer’in oğlu Dimo’nun İslam dinine girmeyi reddettiği için habsedilmesi Ma‘rûz Kıbtî tâ’ifesinden Mühtedî Ömer nâm kimesne meclis-i şer‘-i hatîr-i lâzımü’t-tevkîrde sulbî oğlu Dimo nâm sagîr hâzır olduğu hâlde ben ehl-i zimmetden iken târîh-i i‘lâmdan iki sene mukaddem bi-inâyeti’llâh-i te‘âlâ şeref-i İslâm ile müşerref olduğumda oğlum sagîr-i merkûm dokuz yaşında olup bana taba‘iyet ile İslâmı’na şer‘an hükm olunmağın merkûmu ta‘allüm-ı dîn ve Kur’ân içün terbiye murâd eylediğim bana itâ‘atden imtinâ‘ eder deyü eylediği bi’l-cümle takrîr-i meşrûhunu oğlu sagîr-i mezbûr tasdîk ve hâlâ on bir yaşında olup mümeyyiz ve âkil olmağla İslâm ve irtidâdı sahîh olup lâkin İslâmı ikrârdan imtinâ‘ ile mürted olup ve İslâm babasına taba‘iyyet ile olmağla ba‘de’l-bülûg ancak habs ile İslâm’a cebr olunmak iktizâ etmeğin sagîr-i merkûm ba‘de’l-bülûg İslâm’a cebr ve habs olunmak üzre elhâletü hâzihî li-ecli’l-hıfz Kıbtiyân Cizyedârı Osman Ağa’ya teslîm olunup firâr edecek olur ise habse izin verildiği İstanbul Mahkemesi’nden huzûr-ı âlîlerin i‘lâm olundu. Fî 25 min Şevvâl sene 1202.