İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 202 Hüküm no: 212 Orijinal metin no: [56b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eski simkeş kethüdası es-Seyyid el-Hâc İbrahim’in cezasını kalabend olarak çektiği ve suçlarından pişman olduğu için tahliye olmasının talep edildiği Ma‘rûz es-Seyyid Mehmed Ağa ve Mehmed Odabaşı ve Ahmed Ağa ve es-Seyyid İbrahim Ağa ve Alemdâr Hasan Ağa ve es-Seyyid el-Hâc Hasan Ağa ve Mustafa Ağa ve Mehmed Ağa ve diğer Mustafa Ağa nâm kimesneler meclis-i şer‘-i şerîf-i enverde her biri takrîr-i kelâm ve ta‘bîr ani’l-merâm edip hâmiş-i arzuhâlde muharrer derkenâr nâtık olduğu üzere sâbıkâ simkeş kethüdâsı olup halâ bâ-i‘lâm kal‘a bend olan es-Seyyid el-Hâc İbrahim ıslâh-ı nefs olmağla tâ’ib ve müstağfir olup fîmâ ba‘d simkeş esnâfının iltimâsına binâ’en bundan akdemce i‘lâm olunduğu vech üzre kethüdâlık dâ‘iyyesiyle esnâf-ı mezbûrenin aslâ ve kat‘â umûruna müdâhale birle loncalarına dâhil olmayıp vechen mine’l-vücûh Müslim ve zımmî ve Yahûdî ustalara ta‘arruz etmemeğe ta‘ahhüd edip ve her birimiz merkûma ber-minvâl-i muharrer tekeffül ederiz deyü merkûm es-Seyyid el-Hâc İbrahim’in sebîli tahliye olunmasını istid‘â eyledikleri huzûr-ı âlîlerin i‘lâm olundu. Fî 19 min Zilka‘de sene 1202.