İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 205 Hüküm no: 217 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yenaki v. Pendazi’nin gemi direği bedelinden el-Hâc Süleyman Ağa’dan alacaklı olduğu Ma‘rûz Arzuhâl eden Yenaki v. Pendazi nâm ve meclis-i şer‘-i şerîf-i enverde derûn-ı arzuhâlde mezkûr el-Hâc Süleyman Ağa b. Veliyyüddin ile terâfu‘larında işbu yedimde olup merkûm el-Hâc Süleyman Ağa’nın hatmiyle mahtûm bir kıt‘a temessük nâtık olduğu üzere yedimden müşterâ ve makbûz a‘dâd ve esmânı beynimizde ma‘lûm gemi direği bahâsından cem‘an bin iki yüz elli guruş alacak hakkım olup meblağ-ı mezkûrdan elli guruşunu bana teslîm bâkî bin iki yüz guruşu hâlâ zimmetinde olmağla taleb ederim deyü ba‘de’d-da‘vâ ve’l-ikrâr alâ mûcib-i ikrârihî meblağ-ı bâkî-i mezkûr bin iki yüz guruş müdde‘î-i mersûm Yenaki zimmîye edâ ve teslîme merkûm el-Hâc Süleyman Ağa’ya tenbîh olunduğu huzûr-ı âlîlerine i‘lâm olundu. Fî 20 min Zilka‘de sene 1202.