İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 210 Hüküm no: 223 Orijinal metin no: [59b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Benderli Hüseyin Ağa’nın kasap dükkanı gedik hisse ve aletlerini Kürt Mehmed’e sattığı Ma‘rûz Evkâf-ı hümâyûn-ı hazret-i şehriyârîden Dördüncü Selhhâne’ye merbût olup mahrûse-i Galata’ya muzâfa Tophâne’de çeşme karşısında soğancılar tarafında vâki‘ bir bâb kasab dükkânı derûnunda mevcûde beyne’l-hıref gedik ta‘bîr olunur âlât-ı lâzımeye mütevellî-i vakf temessüküyle mutasarrıf olan Benderli Hüseyin Ağa b. Hasan meclis-i şer‘-i şerîf-i enverde hâlâ Kasabbaşı Mehmed Emin Ağa tarafından [60a] vekîli Mehmed Said Ağa ve ustalar hâzırlar oldukları hâlde Kürt Mehmed b. Ali mahzarında takrîr-i kelâm edip mutasarrıf olduğum âlât-ı lâzıme-i mezkûreyi hüsn-ı rızâ ve tayyib-i ihtiyârımla bedel-i ma‘lûm ve makbûz mukâbelesinde mezbûr Kürt Mehmed b. Ali’ye ferâğ ve tefvîz ol dahî tefevvüz ve kabûl etmeğin ba‘de’l-yevm âlât-ı mezkûrede benim alâkam kalmayıp merkûm Kürt Mehmed’in hakk-ı mufavvazı olmuşdur dedikde gıbbe’t-tasdîk mezbûr Kürt Mehmed âlât-ı mezkûre defter-i vakfa kendi üzerine kayd ve yedine temessük verilmek ricâsında olunduğu İstanbul Mahkemesi’nden huzûr-ı âlîlerine i‘lâm olundu. Fî selh-i Zilka‘de sene 1202.