İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 226 Hüküm no: 244 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin b. Ali’nin borcuna karşılık vakıf evini Rukiye Hatun’a sattığı el-Hâc Müezzin dimekle ma‘rûf Mehmed Emin b. Ali meclis-i şer‘-i şerîf-i enverde ma‘rifetü’z-zât Rukiye Hatun bt. Abdullah mahzarında mezbûre Rukiye Hatun’un yedinden ve mâlından iki def‘ada iki yüz otuz guruş iktirâz ve kabz edip zimmetimde deynim olmağla mukâbelesinde mutasarrıf olduğum Zeyrek kurbünde Yeni Câmi‘ havlusunda vâki‘ bir bâb vakf menzilimi bâ-re’y-i mütevellî vefâ’en ferâğ etmişidim elhâletü hâzihî meblağ-ı mezkûr iki yüz otuz guruş deynimi târîh-i kitâbdan altı ay tamâmına değin mezbûre Rukiye Hatun’a edâ ve teslîme ta‘ahhüd eylediğimde ol dahî ba‘de’l-edâ (...) ve’l-kabz menzil-i mezkûru bâ-re’y-i mütevellî bana red ve ferâga ta‘ahhüd eyledi deyû eylediği bi’l-cümle takrîrini mezbûre Rukiye Hatun tasdîk eylediği İstanbul Mahkemesi’nden huzûr-ı âlîlerine i‘lâm olundu. Fî 20 min Zilhicce sene 1202.