İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 227 Hüküm no: 245 Orijinal metin no: [66b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Abdullah’ın İbrahim b. Ali’deki alacağını talep ettiği Ma‘rûz Ma‘rifetü’z-zât Rukiye bt. Abdullah meclis-i şer‘-i hatîrde İbrahim b. Ali mahzarında mezbûr İbrahim b. Ali’ye âlât-ı lâzıme rehniyle mâlımdan iki yüz guruş ikrâz ve teslîm ol dahî iktirâz ve kabz edip zimmetinde bana deyni olduğunu beyân ve işhâd eylediğinden sonra yüz guruşunu teslîm ve târîh-i kitâba gelince bana nemâ olmak üzere verdiği meblağ-ı ma‘lûm müstehlike ve zimmetimi ibrâ’ ve iskāt ben dahî kabûl etmemle asl-ı mâldan zimmetinde bâkî kalan yüz guruşumu taleb ederim deyü ba‘de’d-da‘vâ ve’l-istintâk mezbûr İbrahim hâl-i mukırr-ı mezbûrenin takrîr-i meşrûha üzere olup ve zimmetinde hâlâ mezbûre Rukiye Hatun’a cihet-i mezkûreden yüz guruş deyni olduğunu ikrâr ve i‘tirâf etmeğin alâ mûcib-i ikrârihî meblağ-ı mezkûr yüz guruşu müdde‘iyye-i mezbûreye edâ ve teslîm mezbûr İbrahim b. Ali’ye tenbîh olunduğu İstanbul Mahkemesi’nden huzûr-ı âlîlerine i‘lâm olundu. Fî 20 min Zilhicce sene 1202.