İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 232 Hüküm no: 253 Orijinal metin no: [68b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Celeblerin, getirdikleri koyunların et, sakatat ve yağlarının satış fiyatı hakkında kasaplarla anlaştıkları Celeb tâ’ifesinden Bozoklu Yusuf ve Hasan ve İsmail ve el-Hâc Osman sâdır olan emr-i âlîlerine imtisâlen sekbânbaşı ağa dâ‘îleri ve kasabbaşı tarafından vekîli el-Hâc es-Seyyid Mehmed Emin ile bi’l-ma‘iyye dâ‘îhânede ma‘kûd meclis-i şer‘-i münîrde kasab ustalarından el-Hâc Hasan Ağa [69a] ve es-Seyyid el-Hâc Mehmed Ağa ve es-Seyyid Halil muvâcehelerinde her biri takrîr-i kelâm edip bu def‘a Bozok cânibinden getirdiğimiz üç bin re’s ağnâmımızın beher kıyye lahmın yedi pâreye ve sakatını sekiz pâreye ve kuyruk yağının beher kıyyesini on yedişer pâreye kasab ustalarına bey‘a rızâmız ile ta‘ahhüd eylediğimizde anlar dahî râzı oldular deyü eyledikleri takrîrleri huzûr-ı âlîlerine i‘lam olundu. Fî 28 min Zilhicce sene 1202.