İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 248 Hüküm no: 273 Orijinal metin no: [75a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ohan’ın, Kostik v. Mardiros’a ekmek bedelinden olan borcunu taksitler halinde ödeme hususunda anlaştıkları Ma‘rûz Habbâzân tâ’ifesinden Kostik v. Mardiros nâm zimmî meclis-i şer‘-i şerîf-i enverde habbâzân ustalarından Ohan v. Kalob nâm zimmî muvâcehesinde beni bundan akdem mersûm Usta Ohan zimmînin tablakârı olmamla ibâdullâha bey‘ içün ceste ceste yedinden ve mâlından iştirâ ve kabz eylediğim nân-ı azîz semeninden zimmetimde müctemi‘a bin dokuz yüz altmış yedi guruşdan yüz yetmiş guruşunu edâ ve teslîm ol dahî kabz edip ve yüz guruşunu dahî bana hibe ben dahi ittihâb ve kabûl etmemle bâkî bin altı yüz doksan yedi guruş zimmetimde mersûm Ohan zimmîye edâsı vâcib deynim olup meblağ-ı bâkî-i mezkûrun yüz doksan yedi guruşu mukâbelesinde zevcem tasarrufunda olan bir bâb menzili ferâga ta‘ahhüd ve bin beş yüz guruşunu dahî hâlâ ve def‘aten edâya iktidârım olmamağın târîh-i i‘lâmdan beher şehr hitâmında beşer guruşdan üç yüz ayda müneccemen edâya ta‘ahhüd eylediğimde ol dahî ber-vech-i muharrer müneccemen edâ ile beni te’cîle râzı oldu deyü eylediği bi’l-cümle takrîr-i meşrûhunu mersûm Ohan zimmî tasdîk eylediği İstanbul Mahkemesi’nden huzûr-ı âlîlerine i‘lâm olundu. Fî selh-i Muharrem sene 1203.