İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 253 Hüküm no: 278 Orijinal metin no: [76b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Buğday çöreğine zam yapılması Çörekçi esnâfının mübârek rikâb-ı kâm-yâba takdim eyledikleri işbu arzuhâllerine binâ’en sâdır olan emr-i âlîlerine imtisâlen bundan akdemce dakîk çöreğinin beher kıyyesi on yedi akçeye olmak üzere tertîb ve tanzîm olmuşiken esnâf-ı mezbûrenin istid‘âlarına müsâ‘ade birle şimdilik uncu esnâfı beher kıyyesini on altı akçeye bey‘a râzı olduklarını inhâ zımnında Der-aliyye’ye takdim olunan takrîr-i dâ‘î bâlâsında sâdır olan emr-i âlînin mûcibince sınıfeyn-i mezbûreyn meclis-i şer‘a ihzâr ve dakîk çöreğinin beher kıyyesinde bir akçe müsâ‘ade birle on altı akçeye bey‘ u şirâ olmasına tenbîh olunduğu huzûr-ı âlîlerine i‘lâm olundu. Fî 29 min Muharrem sene 1203.