İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 100 Hüküm no: 49 Orijinal metin no: [7a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Vasil v. Mihail’in, Ali b. Ömer’e olan borcunu ödemesi gerektiği 686 guruş hüküm Ma‘rûz Arzuhâlde mezkûrü’l-ism tüccârdan Ali b. Ömer nâm kimesne meclis-i şer‘-i münîrde arzuhâl eden tütüncü Vasil v. Mihal nâm zimmî muvâcehesinde mersûm Vasil zimmî zimmetinde bundan akdem yedimden ve malımdan iştirâ ve kabz eylediği mikdârı beynimizde ma‘lûm Şam alacası semeninden alacağım olan yedi yüz on guruşdan bâkī altı yüz seksen altı guruşu mersûm Vasil zimmîden hâlâ taleb ederim deyü da‘vâ ettikde ol dahi cevâbında müdde‘î-i mezbûrun ber-vech-i muharrer müdde‘âsını bi-tamâmihî ikrâr u i‘tirâf etmeğin mûcebiyle meblağ-ı mezkûr altı yüz seksen altı guruşu müdde‘î-i mezbûr Ali’ye edâsıyla mersûm Vasil zimmî ilzâm olunduğu huzûr-ı âlîlerine i‘lâm olundu. Fî-19 min-Ramazan sene [1]216