İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 110 Hüküm no: 64 Orijinal metin no: [9a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülfettâh b. Tahir’in ümmüveled olan cariyesi Tayyibe bt. Abdullah’ı satmaması gerektiği Câriyeyi bey‘ etmemeğe tenbîh Ma‘rûz Rıkka inkıyâdını mukırra ve mu‘terife olmağla ber-vech-i âtî da‘vâya kıbel-i şer‘den me’zûne olan Zenciye Tayyibe bt. Abdullah nâm câriye meclis-i şer‘-i münîrde mevlâsı Muslı Abdülfettâh b. el-Hâc Tahir mahzarında mevlâm mezbûr beni istifrâş ve firâşından hâsıl iki aylık hamlim olup bu vechile ben ümm-i veledi olmuşken mevlâm mezbûr beni âhara bey‘ murâd eder suâl olunup bey‘ etmemek üzere mevlâm mezbûra tenbîh olunmak murâdımdır deyü da‘vâ ettikde ol dahi cevâbında mezbûre Tayyibe’nin hamli bendendir deyü ikrâr u i‘tirâf etmekle mûcebince câriye-i mezbûreyi âhara bey‘ etmemek üzere mezbûr Abdülfettâh’a tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-12 min-Şevvâli’l-mükerrem sene [1]216