İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 110 Hüküm no: 65 Orijinal metin no: [9a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafız İbrahim Edhem’in Seyyid Abdullah b. Seyyid Hidayetullah’a borcunu ödemesi gerektiği 70 guruş hüküm Ma‘rûz Mısırçarşısı attârlarından es-Seyyid Abdullah b. es-Seyyid Hidayetullah meclis-i şer‘-i münîrde Kahveci Hâfız İbrahim Edhem b. Ahmed mahzarında merkūm Hâfız İbrahim Edhem zimmetinde bundan akdem yedimden ve malımdan iştirâ ve kabz eylediği vezn ve kıyyesi beynimizde ma‘lûm kahve semeninden yetmiş guruş alacağım olmağla meblağ-ı mezkûru hâlen taleb ederim deyü da‘vâ ettikde ol dahi cevâbında müdde‘î-i mezbûrun ber-vech-i muharrer müdde‘âsını ikrâr u i‘tirâf etmeğin mûcebince meblağ-ı mezkûr yetmiş guruşa müdde‘î-i mezbûr es-Seyyid Abdullah’a edâ ve teslîme merkūm Hâfız İbrahim Edhem’e tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-15 min-Şevvâli’l-mükerrem sene [1]216