İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 111 Hüküm no: 66 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Dimitri v. Piretamoz’un, Kırımlı Hacı İsmail b. Abdullah’a borcunu ödemesi tenbihi 98 guruş 31 para hüküm Ma‘rûz Kapan-ı asel tüccârından Kırımî el-Hâc İsmail b. Abdullah tarafından husûs-ı âtî’l-beyânda vekîl olduğu Salih b. Abdülvehhab ve Ali b. Ahmed şehâdetleriyle sâbit olan Yazıcı es-Seyyid Hüseyin b. Ahmed meclis-i şer‘-i münîrde Bakkāl Dimitri v. Piretamoz zimmî muvâcehesinde müvekkilim merkūm el-Hâc İsmail’in mesfûr Piretamoz zimmî zimmetinde bin iki yüz on beş senesi Rebî‘ülevvelinde yedinden ve malından iştirâ ve kabz eylediği dört yedek yağ semeninden bâkī doksan sekiz guruş otuz bir para alacağı olmağla meblağ-ı mezkûru mesfûr Dimitri zimmîden bi’l-vekâle hâlâ taleb ederim deyü da‘vâ ettikde ol dahi cevâbında müdde‘î-i vekîl-i mezbûrun ber-vech-i muharrer müdde‘âsını ikrâr u i‘tirâf etmeğin mûcebince meblağ-ı bâkī-i mezkûr doksan sekiz guruş otuz bir parayı müdde‘î-i vekîl-i mezbûr es-Seyyid Hüseyin’e edâ ve teslîme mesfûr Dimitri zimmîye tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-15 min-Şevvâli’l-mükerrem sene [1]216