İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 118 Hüküm no: 79 Orijinal metin no: [10b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hammami Mehmed b. İbrahim’in Ümmügülsüm bt. Halil’e olan borcunu ödemesi erektiği Ma‘rûz Sâhibe-i arzuhâl mu‘arrefetü’z-zât Ümmügülsüm bt. Halil nâm hatun meclis-i şer‘-i hatîrde arzuhâlde mezkûr Hammâmî Mehmed b. İbrahim mahzarında merkūm Mehmed zimmetinde cihet-i karzdan bâ-temessük alacağım olan cem‘an dokuz yüz elli altı guruşun iki yüz kırk üç guruşunu nakden ve üç yüz seksen guruşunu dahi mezbûr Mehmed’in mutasarrıf olup bana îcâr ve teslîm eylediği İslâmbol’da Cibali Kapısı dâhilinde Havuzlu Hamam demekle ma‘rûf hamam icâresine takāsan ahz u istîfâ etmemle bâkī alacağım olan üç yüz otuz üç guruşu merkūm Mehmed’den halen taleb ederim deyü da‘va ettikde ol dahi cevâbında müdde‘iye-i mezbûrenin ber-vech-i muharrer müdde‘âsını ve meblağ-ı bâkī-i mezkûr el-yevm zimmetinde deyni olduğunu ikrâr u i‘tirâf etmeğin mûcebince meblağ-ı bâkī-i mezkûr üç yüz otuz üç guruşu müdde‘iye-i mezbûre Ümmügülsüm Hatun’a edâ ve teslîme mezbûr Mehmed’e tenbîh olunduğu huzûr-ı âlîlerine i‘lâm olundu. Fî-21 min-Şevvâl sene [1]216