İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 119 Hüküm no: 80 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Halil Ağa’nın sahilhane dükkânları vakfiyesinin sahih olduğu Bundan mukaddem kaydolunup sehven dahi tekrar bu mahalle kaydolunmuşdur. Ma‘rûz Sâdır olan fermân-ı âlîlerine imtisâlen işbu bin iki yüz on altı senesi Rebî‘ülâhirinin on yedinci günü târihiyle muvarraha hâlâ Gerede kazâsı nâibi Mahmud Esiri Efendi dâ‘îlerinin imzâ ve hatmini havîye kazâ-i mezbûr ahâlîsinden sâhib-i arzuhâl el-Hâc Halil Ağa on bir bâb selhhâne dükkânlarını vakf-ı sahîh ile vakf eylediğini nâtıka bir kıt‘a vakfiyeye nazar olundukda sarâhaten te’bîd-i zikr olunmayıp lâkin kavl-i müftâ-bih üzere vakfı sahîh olmağın mazmûnu şer‘-i şerîfe mutâbık ve sebk-i serdi üslûb-ı sakka muvâfık her vechile ihticâca sâliha ve istid‘â eylediği Anadolu kalemine kayda şâyeste idüğü İslâmbol Mahkemesi’nden huzûr-ı âlîlerine i‘lâm olundu. Fî-23 min-Recebi’l-ferd sene [1]216