İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 124 Hüküm no: 90 Orijinal metin no: [12a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Yusuf’un, Ömer b. Hasan’a olan borcunu ödediği 1.331 guruş hüküm Ma‘rûz Sâhib-i arzuhâl tüccârdan Yusuf b. Yusuf meclis-i şer‘-i münîrde arzuhâlde mezkûr Kahveci Ömer b. Hasan nâm kimesne mahzarında merkūm Mehmed zimmetinde bundan akdem yedimden ve malımdan iştirâ ve kabz eylediği vezn [ve] kıyyesi beynimizde ma‘lûm kahve semeninden bin üç yüz otuz bir guruş alacağım olmağla meblağ-ı mezkûru hâlâ taleb ederim deyü da‘vâ ettikde ol dahi cevâbında müdde‘î-i merkūmun ber-vech-i muharrer müdde‘âsını bi-tamâmihî ikrâr u i‘tirâf etmeğin mûcebince meblağ-ı mezkûr bin üç yüz otuz bir guruşun müdde‘î-i merkūm Yusuf’a edâsıyla mezbûr Ömer ilzâm olunduğu İslâmbol Mahkemesi’nden huzûr-ı âlîlerine i‘lâm olundu. Fî-27 min-L sene [1]216