İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 126 Hüküm no: 93 Orijinal metin no: [12a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ahmed b. Mehmed’in İbrahim Ağa b. Hasan’a olan altın borcunu ödemesi gerektiği Altınları edâsına tenbîh Ma‘rûz İbrahim Ağa b. Hasan nâm kimesne meclis-i şer‘-i münîrde Molla Ahmed b. Mehmed mahzarında ben bundan akdem malımdan mecmû‘u yüz sekiz çekirdek olmak üzere üç aded âyetli altınımı mezbûr Molla Ahmed yedine îdâ‘ ve teslîm edip zikr olunan altınlar hâlâ yedinde olmağla taleb ederim deyü da‘vâ ettikde ol dahi cevâbında müdde‘î-i mezbûrun ber-vech-i muharrer müdde‘âsını ikrâr u i‘tirâf etmeğin mûcebince zikr olunan üç aded altınları müdde‘î-i merkūm İbrahim Ağa’ya edâ ve teslîme mezbûr Molla Ahmed’e tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-28 min-Şevvâl sene [1]216