İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 126 Hüküm no: 94 Orijinal metin no: [12b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Esma bt. Abdullah’ın Hatice bt. Abdullah’ta alacağının kalmadığı Ma‘rûz Kahveci Mehmed b. Abdullah kendi nefsinden asâleten ve zevcesi Gülfidan nâm-ı diğer Esma bt. Abdullah tarafından vekâleten meclis-i şer‘-i münîrde zâtı mu‘arrefe diğer Esma nâm-ı diğer Hatice bt. Abdullah’ın zevci ve tarafından vekîl-i müsecceli olan Musa Beşe mahzarında târih-i i‘lâm senesi Cumâdelâhiresinin on beşinci günü târihiyle müvarrah işbu bir kıt‘a temessük mantûkunca müvekkile-i mezbûre diğer Esma zimmetinde cihet-i karzdan yetmiş guruş alacağım olmağla taleb ederim deyü tasaddî eylediğim da‘vâmdan fâriğ olup meblağ-ı mezkûra vesâire müte‘allika âmme-i da‘vâdan ben müvekkile-i mezbûre diğer Esma Hatun’un zimmetini ibrâ ve iskāt eylediğimde vekîl-i mezbûr dahi zevcem ve müvekkilem mezbûreden beynimizde ma‘lûm şal kıymetinden bi’l-vekâle mütâlebe eylediği yirmi beş guruşa vesâire müte‘allika da‘vâdan benim ve müvekkilem zevcem mezbûrenin zimmetini bi’l-asâle ve bi’l-vekâle ibrâ ve iskāt ve her birimiz ber-vech-i muharrer âharın ibrâsını asâleten ve vekâleten kabûl eyledik deyü ikrâr ve tasdîkleri İslâmbol Mahkemesi’nden huzûr-ı âlîlerine i‘lâm olundu. Fî-27 min-Şevvâli’l-mükerrem sene [1]216