İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 132 Hüküm no: 102 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çorapçı Mehmed b. İbrahim’in, Tülbentçi Kazros v. Mağrovic’e olan borcunun kalan kısmının ertelendiği Ma‘rûz Tülbentçi Kazaros v. Mıgırdıç zimmî meclis-i şer‘-i münîrde Çorapçı Mehmed b. İbrahim mahzarında mezbûr Mehmed zimmetinde yedimden ve malımdan iştirâ ve kabz eylediği ma‘lûmü’l-mikdâr tülbent yemenî semeninden iki yüz elli üç guruş alacağım olup meblağ-ı mezkûrun kırk guruşunu bundan akdem bana edâ etmekle bâkīsi olan iki yüz on üç guruşu mezbûr Mehmed’den hâlâ taleb ederim deyü da‘vâ eylediğimde ol dahi cevâbında ber-vech-i muharrer müdde‘âmı ikrâr lâkin deyn-i mezkûrumu bir vechile edâya kudretim yokdur deyü istimhâl eylediğinde ben dahi meblağ-ı mezkûr iki yüz on üç guruşu târih-i i‘lâmdan beher hafta mürûrunda yirmişer guruş vermekle on hafta beş gün tamamına değin bana edâ etmek üzere imhâl ve tecil eylediğimde ol dahi kabûl ve ber-vech-i muharrer bana edâya ta‘ahhüd eyledi deyü takrîrini mezbûr Mehmed tasdîk eylediği İslâmbol Mahkemesi’nden huzûr-ı âlîlerine i‘lâm olundu. Fî-25 min- L sene [1]216