İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 137 Hüküm no: 109 Orijinal metin no: [14b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe b. Ahmed ile Ahmed Beşe b. Mehmed’in tütün davasında yüz elli guruşa sulh oldukları 150 guruş üzerine sulh Ma‘rûz Sâhib-i arzuhâl Duhânî Mustafa Beşe b. Ahmed meclis-i şer‘-i münîrde arzuhâlde mezkûr Kıyıcı Ahmed Beşe b. Mehmed mahzarında mezbûr Ahmed Beşe kasaba-i Tophane’de İpekçiler sûkunda vâki‘ bir bâb Tütüncü dükkânımda kıyıcılık hizmetimde iken târih-i i‘lâmdan beş ay mukaddem malımdan mecmû‘u sekiz yüz guruş kıymetli ma‘lûmü’l-mikdâr duhânımı hufyeten ahz ve [i]stihlâk etmekle ba‘de’s-sübût kıymet-i mezkûresini taleb ederim deyü tasaddî eylediğim da‘vâmdan mezbûr Ahmed Beşe ile an inkâr yüz elli guruş bedel-i makbûza ba‘de akdi’l-musâlahati ve’l-kabûl ziyâde müdde‘âma ve bedel-i sulh-i merkūma ve bi’l-cümle husûs-ı mezkûra müte‘allika âmme-i da‘vâdan her birimiz âharın zimmetini kabûlü hâvi ibrâ ve iskāt eyledik deyü ba‘de’l-ikrâr ve’t-tasdîk bu vechile kat‘-ı nizâ‘ eyledikleri tescîl ve İslâmbol Mahkemesi’nden huzûr-ı âlîlerine i‘lâm olundu. Fî-27 min -L sene [1]216