İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 147 Hüküm no: 122 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cemaleddin b. Süleyman’ın dükkân açmasına ve sanatını icra etmesine izin verildiği Dükkân küşâdına ruhsatı hâvi Ma‘rûz Hindî el-Hâc Cemaleddin b. Süleyman meclis-i şer‘-i münîrde takrîr-i kelâm edip ben merkebcilik san‘atında kesb-i mahâret etmemle Âsitâne-i aliyyede i‘mâl ve ibâdullâha bey‘ murâd eylediğimde esnâf-ı mezkûreden bazıları beni bey‘den men‘ ve kesbime mümâna‘at etmeleriyle san‘at-ı mezkûreyi i‘mâl ve dükkân küşâdıma kıbel-i şer‘den izin verilmesi murâdımdır dedikde takrîri şer‘-i şerîfe muvâfık ve men‘-i inhisâr-ı bey‘ u şirâ husûsunda şerefrîz-i sudûr eden hatt-ı şerîfe muvâfık ve san‘at-ı mezkûreyi i‘mâl ve dükkân küşâdına izin ve ruhsat ve âharın müdâhalesi men‘ ü def‘ buyrulmak bâbında emr-i âlîleri sudûru iktizâ eylediği İslâmbol Mahkemesi’nden huzûr-ı âlîlerine i‘lâm olundu. Fî-25 min-Şevvâl sene [1]216