İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 148 Hüküm no: 124 Orijinal metin no: [17a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Mustafa’nın, dükkân gediğini Hacı Ali b. Ali’ye teslim etmesi gerektiği Dükkân-ı gedik teslîmine tenbîh Ma‘rûz Sâhib-i arzuhâl el-Hâc Ali b. Ali meclis-i şer‘-i münîrde arzuhâlde mezkûr Hasan b. Mustafa mahzarında İslâmbol’da Bahçekapısı hâricinde vâki‘ bâ-temessük-ı mütevellî icâreteynle mutasarrıf olduğum bir bâb dükkân derûnunda müstecirim olan kimesneyi mezbûr Hasan gediği benimdir deyü ihrâc ve dükkân-ı mezkûru fuzûlî zabt etmekle suâl olunup keff-i yed ve bana teslîme mezbûr Hasan’a tenbîh olunması murâdımdır deyü da‘vâ ettikde ol dahi cevâbında dükkân-ı mezkûru icâreteyn ile müdde‘î-i mezbûrun tasarrufunda olduğunu ikrâr lâkin dükkân-ı mezkûr mukaddemâ arabacı dükkânı olmak üzere gediğini ben iştirâ etmemle ol vechile zabt ederim demesi hilâf-ı şer‘ olduğundan mâ‘adâ dükkân-ı mezkûrun arpacı gediği kaydı olmadığı başmuhâsebe derkenârından müstebân olmağla dükkân-ı mezkûrdan keff-i yed ve müdde‘î-i mezbûr Ali’ye teslîme mezbûr Hasan’a tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-5 min-Zilka‘de sene 1216