İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 150 Hüküm no: 127 Orijinal metin no: [17a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hediyetullah bt. Ahmed’e eşi Ali b. Mustafa’ya itâat etmesi için tenbih edildiği İtâ‘ate tenbîh Ma‘rûz Yağlıkçı esnâfından Ali b. Mustafa meclis-i şer‘-i hatîrde hâlâ zevcesi zâtı mu‘arrefe Hediyetullah bt. Ahmed nâm hatun mahzarında mezbûre Hediyetullah yirmi altı guruş mehr-i müeccel ve mu‘accel müstevfâsıyla zevce-i medhûlün-bihâm olup lâkin zevcem mezbûre tedârik eylediğim menzile gelmekten imtinâ‘ etmekle suâl olunup menzilime gelip bana itâ‘at ve hukūk-ı zevciyete mürâ‘at etmek üzere zevcem mezbûreye tenbîh olunmak murâdımdır deyü da‘vâ ettikde ol dahi cevâbında müdde‘î-i mezbûr zevci olup ve mehr-i mu‘accelini istîfâ eylediğini ikrâr u i‘tirâf etmeğin mûcebince zevci merkūmun tedârik eylediği menziline gidip itâ‘at ve hukūk-ı zevciyete mürâ‘at etmek üzere merkūme Hediyetullah Hatun’a tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-5 min Za sene [1]216