İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 153 Hüküm no: 131 Orijinal metin no: [17b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agob v. Aleksan’ın, Yani v. Tanaş aleyhine açtığı davasının reddedildiği Suâl dahi teveccüh etmediği Ma‘rûz Arzuhâl eden Agob v. Aleksan nâm zimmî meclis-i şer‘-i münîrde derûn-ı arzuhâlde mastûrü’l-ism tütün tüccârından Yani v. Tanaş nâm zimmî muvâcehesinde Demirkapı karşısında köşebaşında vâki‘ bir bâb dükkân derûnunda mevcûde mâlik olduğum tütüncü gedik âlâtını şerîkim gāib ani’l-meclis Yorgi v. Petro zimmî yedine emâneten vaz‘ ve teslîm ve üzerine mesfûr Yani zimmî nâzır ve ben diyâr-ı âhara gitmemle mesfûr Yani zimmî gāib-i mersûm ile dükkân-ı mezkûrda beş sene ticâret ve kendi mallarıyla tütün iştirâ ve bey‘ etmeleriyle hâsıl eyledikleri iki bin dört yüz guruş fâideyi nısfiyet üzere beynlerinde iktisâm etmeleriyle mersûm Yani zimmînin ber-vech-i muharrer makbûzu olan bin iki yüz guruşun nısfını mücerred dükkân gediği benim olduğuna binâen mesfûr Yani zimmîden taleb ederim deyü eylediği da‘vâsı takrîr-i meşrûhu üzere meşrû‘a olmamağla hasmı mesfûr Yani zimmîye suâl dahi teveccüh etmediği İstanbul Mahkemesi’nden huzûr-ı âlîlerine i‘lâm olundu. Fî-6 min Za sene [1]216