İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 155 Hüküm no: 135 Orijinal metin no: [18a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb bt. Ali’nin boşandığı kocası Camcı Ahmed b. İsmail’den mehrini talep etmesi 60 guruş hüküm Ma‘rûz Mu‘arrefetü’z-zât Zeyneb bt. Ali nâm Hatun meclis-i şer‘-i münîrde zevc-i mutallıkı Camcı Ahmed Usta b. İsmail mahzarında merkūm Ahmed zevc-i dâhilim olup târih-i i‘lâmdan üç ay mukaddem beni tatlîk etmekle zimmetinde mutekārrir ve ma‘kūdun aleyh olan altmış guruş mehr-i müeccelimi mezbûr Ahmed’den hâlâ taleb ederim deyü da‘vâ ettikde ol dahi cevâbında müdde‘iye-i mezbûre ol mikdâr guruş mehir tesmiyesiyle zevce-i medhûlün-bihâsı olduğunu ve tatlîkini ve mehr-i mezkûr hâlâ zimmetinde deyni olduğunu ikrâr u i‘tirâf etmekle mûcebince meblağ-ı mezkûr altmış guruşun müdde‘iye-i mezbûreye edâsıyla mezbûr Ahmed ilzâm olunduğu İslâmbol Mahkemesi’nden huzûr-ı âlîlerine i‘lâm olundu. Fî-7 min-Zilka‘de sene [1]216