İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 163 Hüküm no: 145 Orijinal metin no: [19b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Tanaş v. Nikola’nın, Acı Anad v. Todori’ye olan borcunu bir ay sonra ödeyeceği Tecil Ma‘rûz İstanbul’da Göbektaşı nâm mahalde manavlık ticâretiyle mütemekkin arzuhâlde mastûrü’l-ism Acı Anad v. Todori nâm zimmî meclis-i şer‘-i münîrde arzuhâl eden Bakkāl Tanaş v. Nikola nâm zimmî muvâcehesinde mersûm Tanaş zimmî zimmetinde bundan akdem yedimden ve malımdan iştirâ ve kabz eylediği bakkāl gediği âlâtı semeninden bâ-i‘lâm-ı şer‘î mahkûmun-bih beş yüz elli guruş alacağım olmağla taleb ederim deyü tasaddî eylediğim da‘vâmdan bâ-tavassut-ı muslihîn mersûm Tanaş zimmî ile an ikrâr dört yüz guruşa ba‘de akdi’l-musâlahati ve’l-kabûl bedel-i sulhden mâ‘adâsı olan yüz elli guruşa müte‘allika da‘vâdan mersûm Tanaş zimmînin zimmetini kabûlü hâvi ibrâ ve iskāt eylediğimden sonra bedel-i sulh-i mezkûr dört yüz guruşu işbu târih-i i‘lâmdan otuz bir gün tamamında bana edâ etmek üzere istimhâl eylediğinde ben dahi rızâmla imhâl ve te’cîl eyledim deyü takrîrini mersûm Tanaş zimmî tasdîk ve meblağ-ı mezkûr dört yüz guruşu ecel-i merkūm hulûlünde mesfûr Anad zimmîye edâ ve teslîme ta‘ahhüd eylediği İslâmbol Mahkemesi’nden huzûr-ı âlîlerine i‘lâm olundu. Fî-15 min Za sene [1]216