İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 165 Hüküm no: 149 Orijinal metin no: [20b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer Beşe b. İbrahim’in, Sakızlı Mehmed Ağa b. Abdullah’a olan borcunu taksitle ödeyebileceği Taksît Ma‘rûz Dergâh-ı âlî kapıcıbaşılarından sâhib-i arzuhâl Sakızlı Mehmed Ağa b. Abdullah nâm kimesne meclis-i şer‘-i münîrde ekmekçi esnâfından arzuhâlde mezkûr Cafer Beşe b. İbrahim mahzarında İslâmbol’da Kadırga Limanı kurbünde çatal fırın ve ona merbût beş horoslu çardaklı değirmeni derûnunda mevcûde beyne’l-esnâf gedik tâ‘bir olunan yirmi re’s bârgirden mâlik olduğum altı bârgir ve âlâtdan isâbet eden mikdâr-ı ma‘lûmü merkūm Cafer Beşe’ye bin guruşa bey‘ ve teslîm ol dahi iştirâ ve kabz eylediğimden sonra semen-i mezkûr bin guruşu merkūm Cafer Beşe hâlen ve def‘aten edâya iktidârım yokdur deyü ber-vech-i âtî tecil ve taksîte tâlib olduğunda ben dahi meblağ-ı mezkûr bin guruşu işbu târih-i i‘lâmdan beher şehir bana on beşer guruş vermekle altmış altı ay yirmi gün hitâmında tamamen edâ etmek üzere rızâmla imhâl ve tecil eyledim deyü takrîrini merkūm Cafer Beşe tasdîk ve meblağ-ı mezkûr bin guruşu ber-vech-i muharrer müeccelen ve muksitan edâya ta‘ahhüd eylediği İslâmbol Mahkemesi’nden huzûr-ı âlîlerine i‘lâm olundu. Fî-14 min-Zilka‘de sene [1]216