İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 168 Hüküm no: 154 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sultan Abdülhamid Han vakfından icareli, Yedikule’deki kasap dükkânı gediğinin yarım hissesinin Seyyid İbrahim’in vefâtı üzerine Hacı Ali’ye devredilmesi Kasab Ma‘rûz Hüdâvendigâr-ı sâbık merhûm ve mağfûrun leh Sultan Abdülhamid Hân hazretleri evkāfı musakkafâtından Yedikule hâricinde üçüncü selhhâneye merbût İslâmbol’da Mahmudpaşa Câmi‘-i şerîfi kurbünde Şişeciler Hânı civârında vâki‘ bir bâb kasab dükkânı derûnunda mevcûde beyne’l-hıref gedik tâ‘bir olunan âlât-ı lâzıme-i ma‘lûmenin nısfına bâ-temessük-ı vakıf mutasarrıf olan es-Seyyid İbrahim bilâ-veled fevt olup mutasarrıf olduğu nısf hissesi mahlûl ve taraf-ı vakfa âid olmağla vakf-ı müşârun-ileyh kāimmakām-ı mütevellîsi kethüdâ-yı mehd-i ulyâ Atûfetlü Yusuf Ağa hazretleri tarafından vekîli câbi-i vakıf Halil Efendi b. Ahmed zikr olunan nısf hisseyi beyne’l-esnâf müzâyede ve gıbbe inkıtâ‘ı’r-rağbe müşteriki el-Hâc Ali b. Abdullah üzerinde iki yüz elli guruşda karar-dâde olmağla cânib-i vakıfdan müteveffâ-i mezbûrun zikr olunan nısf hissesini mu‘accele-i mezkûre-i makbûza ve müeccele-i kadîme-i ma‘lûmesiyle mezbûr el-Hâc Ali’ye taraf-ı vakıfdan îcâr olunduğu ilmühaberini vermekle defter-i vakfa mezbûr el-Hâc Ali üzerine kayd ve cânib-i vakıfdan yedine temessük i‘tâsını istid‘â eylediği İslâmbol Mahkemesi’nden huzûr-ı âlîlerine i‘lâm olundu. Fî-11 min Za sene [1]216