İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 170 Hüküm no: 157 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yemenici Karabet v. Mıgırdıç’in, Fâtıma bt. İsmail’in çukacı mağzasındaki üç hissesini teslim etmesi gerektiği Çukacı mağazasından hisse teslîmine tenbîh Ma‘rûz Sâhibe-i arzuhâl mu‘arrefetü’z-zât Fâtıma bt. İsmail nâm Hatun meclis-i şer‘-i münîrde arzuhâlde mastûr Yemenici Karabet v. Mıgırdıç zimmî muvâcehesinde İslâmbol’da Bezzâzistan-ı atîk kurbünde parçacılar sûkunda vâki‘ bir bâb çukacı mağazasında üç hisse i‘tibâriyle mutasarrıfe olduğum iki hissemi mersûm Karabet zimmîye ayda dörder buçuk guruş kirâ kavliyle îcâr ve teslîm etmişdim el-hâletü hâzihi kirâyı bana edâda cevr ve ezâ edip ve ben îcâre-i mezkûreyi gāyet-i şehr-i âtîde feshetmemle mağaza-i mezkûrede olan hissemi bana teslîme mersûm Karabet zimmîye tenbîh olunması murâdımdır deyü da‘vâ ettikde ol dahi cevâbında müdde‘iye-i mezbûrenin ber-vech-i muharrer müsteciri olduğunu ikrâr u i‘tirâf etmeğin mûcebince mağaza-i mezkûreden hisse-i mezkûresini müdde‘iye-i mezbûreye teslîme mersûm Karabet zimmîye tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-15 min-Zilka‘de sene [1]216