İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 172 Hüküm no: 159 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabuncu Seyyid Hasan’ın, Sabun tüccarlarından Giridli Mücellid Mehmed Emin Ağa’ya borcunu ödemesi gerektiği 562 guruş 7 para hüküm Ma‘rûz Sabun tüccârından Giridî Mücellid Mehmed Emin Ağa nâm kimesne meclis-i şer‘-i münîrde Zindânkapısı kurbünde Sabuncu es-Seyyid Hasan muvâcehesinde merkūm es-Seyyid Hasan zimmetinde âhar bir kıt‘a i‘lâmda mezkûr üç bin üç yüz otuz bir guruşdan mâ‘adâ bundan akdem yedimden ve malımdan iştirâ ve kabz eylediği vezn ve kıyyesi beynimizde ma‘lûm on çuval sabun semeninden beş yüz altmış iki guruş yedi para alacağım olmağla meblağ-ı mezkûru hâlâ taleb ederim deyü da‘vâ ettikde ol dahi cevâbında müdde‘î-i mezbûra zimmetinde ol mikdâr guruş dahi deyni olduğunu ikrâr u i‘tirâf etmeğin mûcebince meblağ-ı mezkûr beş yüz altmış iki guruş yedi parayı müdde‘î-i mezbûr Mehmed Emin Ağa’ya edâsıyla merkūm es-Seyyid Hasan ilzâm olunduğu İslâmbol Mahkemesi’nden huzûr-ı âlîlerine i‘lâm olundu. Fî-19 min Za sene [1]216