İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 182 Hüküm no: 174 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mıgırdıç v. Aleksi’nin, Kürekçi Dimitri v. Aleksi’ye olan borcunu ödemesi gerektiği 290 guruş hüküm Ma‘rûz İslâmbol’da Bezzâsiztân-ı cedîd kurbünde Kürkçi Dimitri v. Aleksi zimmî meclis-i şer‘-i münîrde Mıgırdıç v. Aleksi zimmî muvâcehesinde târih-i i‘lâmdan üç ay mukaddem kendi dükkânımda malımdan bir tulum cild kafa kürkümü mersûm Mıgırdıç zimmîye iki yüz doksan guruşa bey‘ ve teslîm ol dahi iştirâ ve kabz edip semeni olan meblağ-ı mezkûr iki yüz doksan guruş hâlâ zimmetinde alacağım olmağla taleb ederim deyü ba‘de’d-da‘vâ ve’l-istintak ve’l-inkâr müdde‘î-i mesfûr ber-vech-i muharrer müdde‘âsını lede’t-tezkiye şehâdetleri makbûle olan Kürkçü Panayot v. Aleksi ve Mihal v. Yorgi ve Dimitri v. Yako nâm zimmîler şehâdetleriyle bi’l-muvâcehe ber-nehc-i şer‘î isbât etmeğin mûcebiyle meblağ-ı mezkûr iki yüz doksan guruşu müdde‘î-i mesfûr Dimitri zimmîye edâ ve teslîme mesfûr Mıgırdıç zimmîye tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-21 Za sene [1]216