İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 184 Hüküm no: 178 Orijinal metin no: [24a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agob’un, Kürekçi Kirkor v. Malkon’a olan borcunu kefili Mıgırdıç v. Serkiz’in ödemesi gerektiği 236 guruş hüküm Ma‘rûz Arzuhâlde mastûr Kürkçü Kirkor v. Melkon zimmî meclis-i şer‘-i münîrde arzuhâl eden Mıgırdıç v. Serkiz zimmî muvâcehesinde mersûm Mıgırdıç zimmînin li-ebeveyn er karındaşı gāib ani’l-meclis Agob zimmî zimmetinde yedimden ve malımdan iştirâ ve kabz eylediği kürk semeninden alacağım olan iki yüz otuz altı guruşa târih-i i‘lâmdan dokuz gün mukaddem gāib-i mersûmun İslâmbol’da Tavukpazarında dükkânında mersûm Mıgırdıç zimmî kefîl ve zâ[mi]n olmağla meblağ-ı mezkûru kefâletine binâen hâlâ taleb ederim deyü ba‘de’d-da‘vâ ve’l-inkâr müdde‘î-i mesfûr ber-vech-i muharrer müdde‘âsını lede’t-tezkiye şehâdetleri makbûle olan Kürkçü Yuvan v. Kiryako ve Mısırlı Kürkçü Aci Yamandi v. Kostandi nâm zimmîler şehâdetleriyle bi’l-muvâcehe ber-nehc-i şer‘î isbât etmeğin mûcebiyle meblağ-ı mezkûr iki yüz otuz altı guruşu müdde‘î-i mesfûr Kürkçü Kirkor zimmîye edâ ve teslîme mersûm Mıgırdıç zimmîye tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-21 min-Zilka‘de sene [1]216