İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 185 Hüküm no: 179 Orijinal metin no: [24a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ağyad v. Begos’un, Siron v. Hacador’un dükkanından aldığı elmas çiçeklerini teslim etmesi gerektiği Çiçekçileri teslîme ta‘ahhüd Ma‘rûz Kuyumcu esnâfından Siron v. Haçador zimmî meclis-i şer‘-i hatîrde Ağya v. Begos zimmî muvâcehesinde mersûm Ağya zimmî ba‘zı umûrumda bana mu‘âvenet için dükkânımda mütemekkin olmağla malım olup sandık derûnuna vaz‘ eylediğim salkım elmas bir çiçek ve ortası karanfil resmi bir çiçek ve altın bir elmas çiçek ve Zülfikar resmi bir elmas çiçeğimi iznimsiz ahz ve kendi deyni mukābelesinde âhara rehin vaz‘ etmekle suâl olunup zikr olunan çiçekleri bana teslîm etmek üzere mesfûr Ağya zimmîye tenbîh olunmak murâdımdır deyü da‘vâ ettikde ol dahi cevâbında müdde‘î-i mesfûrun ber-vech-i muharrer müdde‘âsını bi-tamâmihî ikrâr u i‘tirâf ve zikr olunan çiçekleri rehniyetden fek ve müdde‘î-i mersûm Haçador zimmîye teslîme ta‘ahhüd eylediği İslâmbol Mahkemesi’nden huzûr-ı âlîlerine i‘lâm olundu. Fî-23 min-Zilka‘de sene [1]216