İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 190 Hüküm no: 188 Orijinal metin no: [25a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman b. Mustafa’nın keserci dükkanı açmasına izin verildiği Dükkân küşâdına izin Ma‘rûz Keserci esnâfı kalfalarından Süleyman b. Mustafa meclis-i şer‘-i münîrde esnâf-ı mezkûre kethüdâsı Hüseyin b. İsmail mahzarında ben kesercilik san‘atını tahsîl ve tekmîl ve âdet-i esnâf üzere düstûr olup müstakillen dükkân küşâdıyla kesercilik i‘mâline kādir olmamla kisb ve ticâret irâdesiyle dükkân küşâdı murâd eylediğimde kethüdâ-yı merkūm muktezâ-yı nizâm esnâfımızda ziyâde dükkân küşâd olunmaz deyü hilâf-ı şer‘-i şerîf ve men‘-i inhisâr-ı bey‘ u şirâ hatt-ı hümâyûnuna mugāyir dükkân küşâdıyla kisb ve ticâretime mümâna‘at etmekle suâl olunup mümâna‘atı men‘ ü def‘-birle müstakillen dükkân küşâdıma izin ve ruhsat buyrulmak matlûbumdur dedikde kethüdâ-yı merkūm dahi ba‘de’l-yevm mezbûr Süleyman’ın dükkân küşâdıyla bey‘ u şirâsına mümâna‘at etmemek üzere ta‘ahhüd eylediği İslâmbol Mahkemesi’nden huzûr-ı âlîlerine i‘lâm olundu. Fî-21 min-Zilka‘de sene [1]216